Hindi Shayari- 'Kbhi Tum Laut Kay Aao ' (urdu)

Kbhi Tum Laut Kay Aao

Mujhay Bus Itna Samjhao

Kahan Se Seekh Li Tum Ne

Adaa Mujh Ko Bhulanay Ki

 

 

Tumhe Mujh Se Koi Shikwa tha

Ya Koi Bhi Shikayat Thi

Zehmat Tou Zara Si thi

Na Ki Koshish batanay Ki

 

Bhala Youn Chorr kar Apna

Koi Apnon Ko Jata Hai?

Aur Musalsal Dukh Ki Barish Main

Jeevan Bhar Rulata Hai?

 

Abhi Bhi Rait Geeli Hai

Abhi Sab Naqsh Baaqi Hain

Gaye Qadmon Pe Laut Aao

Mujhay Bus Itna Samjhao

 

KAHAN SE SEEKH LI TUM NAY

ADAA MUJH KO BHULANAY KI???

Hindi Shayari-Koi Marr Nahin Jata (urdu)

Sath Chalnay Walay Jab

Sath Chorr jatay Hain

 

Wakt Tham Nahin Jata

Koi Marr Nahin Jata

Koi Marr Bhi Jaye tou

Zindgi Nahin Rukti

Raaston Ko Chalna Hai

Rastay Tou Chaltay Hain

Yaar Dost Miltay Hain

Zakhm Aisay Siltay Hain

 

Gard Gard Lamhon Main

Umer Katt Hi Jati Hai

Kuch Musafiron Ko Bus

Manzilain Nahin Milteen...!

Hindi Shayari-WO AKSAR MUJH SE KEHTI THI (urdu)

WO AKSAR MUJH SE KEHTI THI

WAFA HAI ZAAT AURAT KI

 

Magr Jo Mard Hotay Hain

Bohot Bedard Hotay Hain

Kisi Bhanwray Ki Soorat

Gull Ki Khushbu Loot Jatay Hain

 

Suno..! Tumko Qasam Meri

Riwayat Torr Dena Tum..!

Na Tanha Chorr K Jana..!

Na Dil Ye Torr K Jana...!

 

Magar Phir youn Hua "MOHSIN"

Kisi Anjaan Rastay Par

Akela Chorr Kar Usne

Mera Dil Torr Kar Usne

Muhabbat Chorr Di Us Ne

 

WAFA HAI ZAAT AURAT KI

RIWAYAT TORR DI US NE...!

New Year Poem- AYE NAYE SAAL BATA...!

 

Aye Naye Saal Bata Tujh Main Naya Kya Hai?

Har Taraf Khalq Ne Kyun Shor Macha Rakha Hai?

 

Roshni Din Ki Wohi, Taaron Bhari Raat Wohi

Aaj Hum Ko Nazar Aati Hai Har Baat Wohi

 

Aasman Badla Hai Na Badli Ye Afsurda Zameen

Aik Hindsay Ka Badal Jana Koi Jiddat Tou Nahin

 

Pichlay Barson Ki Tarha Hongay Qareenay Teray

Kisay Maloom Nahin 12 Maheenay Teray

 

Be-Sabab Daitay Hain kyun Log Mubarak-Badein

Kya Bhool Gaye Sab Wakt Ki Karrwi Yadain

 

 Tu Naya Hai Tou Dikha Subha Nayi, Shaam Nai

Warna In Aankhin Ne Dekhay Hain Naye Saal Kai....!

 

 

Hindi Shayari- ' Kinara kar Liya Usne...!' (urdu)

Bohot Din Ho Gaye Shayad,,

Sahara Kar Liya Us Ne,,

Hamaray Baad Bhi Aakhir,,

Guzara Kar Liya Us Ne,,

 

Hamara Zikr Bhi Us K,,

Labon Pe Ab Nahin Aata,,

Humain Ehsas Hai Hum Se,,

Kinara Kar Liya us Ne,,

 

Wo Basti Ghair Ki Basti,,

Wo Koocha Ghair Ka Koocha,,

Suna Hai Ishq Bhi Ab Tou,,

Dobara Kar Liya Usne,,

 

Bhula Kar Pyar Ki Qasmain,,

Wo Waday Torr Kar 'MOHSIN',,

Kisi Ko Zindgi Se Bhi,,

Pyara Kar Liya Us Ne......! 

'Aankhon Main. . . . . ' (urdu)

 

Na Janay Dhoondtay Ho Kia, Meri Veeran Aankhon Main

Chupa Rakhay Hain Hum Ne Tou, Kai Toofaan Aankhon Main

 

Kahan Wo Shookhiyan Pehlay Si, Ab Kuch Bhi Nahin Baaqi

Chalay Aaye Ho Tum Kia Khojnay Be-Jaan Aankhon Main

 

Kisi Ka Hath Lay Kar Haathon Main, Jub Wo Milay Hum Say

Tou Kaisay Toot Kay Bikhra Tha Mera Maan Aankhon Main

 

Na Samjho Chup Hun Tou Us Se Koi Shikwa Nahin "MOHSIN"

Hum Apnay Dard Ki Rakhtay Hain Ik Pehchaan Aankhon Main...!

Hindi Shayari- Sunoo....~! Aay Chand Si Larki.......~ (urdu shayari)

Suno......Aay Chand Si Larki. . .!

Abhi Tum Titliyaan Pakro
Ya Phir Guriyon Say Kehlo Tum!

Ya Phir Massom Si Aankhon Say
Dhairon Khawab Dekho Tum
Faraz-o-Faiz-o-MOHSIN Ki
Kitaben Mat Abhi Parhna
Ye Sab Lafzon K Sahir Hain,
Tumhien Uljha Kay Rakh Daingay,

Tumhein Maloom Hi Kab Hai,
Mohabbat K Libaday Main,

Hawas Aur Hirs Hoti Hai,
Ye Insanon Ki Dunya Hai,

Magar In Say Kaheen Barh Kar,
Yahan Wehshi Darinday Hain,

Wo Wehshi Jin Ki Aankhon Main
Machaltay Piyar kay Peechay
Hawas aur Hirs Hoti Ha,

Abhi Kachi Kalii Ho Tum......
Abhi Kaanton Say Mat Khelo,

Abhi Apni Hatheli Par
Kisi Ka Naam Mat Likho,
Abhi Apni Kitaabon Main,
Gulaabi Phool Mat Rakho

Abhi Tum Titliyan Pakro
Abhi Guriyoun Say Khailo Tum...,

Sunoo....~! Aay Chand Si Larki.......~

Hindi Shayari- 'Bohot Hi Yaad Aatay Ho...!' love sms

Zara Thehro,, Chalay Jana..!

 

Mujhay Kuch Tumsay Kehna Hai,,

 

Zyada Wakt Nahin Loonga,,

 

Zara Si Baat Karni Hai,,

 

Na Gham Apnay Sunanay Hain,,

 

Na Koi Faryaad Karni Hai,,

 

Na Ye Maloom Karna Hai,,

 

K Ab Halaat Kaisay Hain,,

 

Tumharay Humsafar Jo Thay,,

 

Tumharay Sath Kaisay Hain,,

 

Na Ye Maloom Karna Hai,,

 

Teray Din Raat Kaisay Hain,,

 

Mujhay Bus Itna Kehna Hai,,

 

Mujhay Tum Yaad Aatay Ho,,

 

Bohot Hi Yaad Aatay Ho. . . !